ຄົນຕາຍແລ້ວໄປໃສ?

ການຊົງເນລະມິດສ້າງມະນຸດ ມະນຸດໄດ້ຖືກສ້າງມາຈາກຫຍັງໃນຕອນທຳອິດ? ເມື່ອນັ້ນ ພຣະຜູ້ເປັນເຈົ້າໄດ້ເອົາດິນມາປັ້ນເປັນຮູບຄົນແລ້ວເປົ່າລົມຫາຍໃຈໃສ່ຮູດັງໃຫ້ມີຊິວິດ ຮູບປັ້ນນັ້ນກໍກັບກາຍເປັນຄົນທີ່ມີຊີວິດຈິດໃຈ ປະຖົມມະການ 2:7 ແມ່ນຫຍັງທີ່ເຮັດໃຫ້ມະນຸດມີຊີວິດຈິດໃຈ? ເມື່ອນັ້ນ ພຣະຜູ້ເປັນເຈົ້າໄດ້ເອົາດິນມາປັ້ນເປັນຮູບຄົນແລ້ວເປົ່າລົມຫາຍໃຈໃສ່ຮູດັງໃຫ້ມີຊິວິດ ຮູບປັ້ນນັ້ນກໍກັບກາຍເປັນຄົນທີ່ມີຊີວິດຈິດໃຈ ປະຖົມມະການ 2:7 ນອກຈາກມະນຸດ ສິ່ງອື່ນໆທີ່ຖືກສ້າງເອີ້ນວ່າເປັນສິ່ງທີ່ “ມີຊີວິດຈິດໃຈ” ບໍ? ສະນັ້ນ ພຣະເຈົ້າຈຶ່ງຊົງນິລະມິດສ້າງສັດທະເລຂະຫນາດໃຫຍ່ແລະສິ່ງທີ່ມີຊີວິິດທຸກຊະນິດເກີດຂຶ້ນມາໃນນໍ້າ ແລະຊົງສ້າງນົກທຸກຊະນິດໃນທ້ອງຟ້າອາກາດ ພຣະອົງຊົງທອດພຣະເນດສິ່ງທີ່ນິລະມິດສ້າງກໍຊົງພໍພຣະທັຍ ປະຖົມມະການ 1:21

ຄັນແລ້ວ ພຣະອົງຈຶ່ງເອົາຂີ້ດິນປັ້ນເປັນສັດ ແລະນົກຕ່າງໆ ແລ້ວເອົາສັດ ແລະນົກທີ່ປັ້ນນັ້ນໃຫ້ຊາຍຜູ້ຮັກສາສວນເບິ່ງ ເພື່ອຢາກຮູ້ວ່າເຂົາຈະໃສ່ຊື່ຫຍັງໃຫ້ ຄັນແລ້ວຊື່ທີ່ເຂົາຕັ້ງໃຫ້ນັ້ນກໍເປັນຊື່ຂອງສັດຕ່າງໆຕໍ່ໆມາ ປະຖົມມະການ 2:19

ນອກຈາກມະນຸດ ທຸກສິ່ງທຸກຢ່າງມີ “ລົມຫາຍໃຈແຫ່ງຊີວິດບໍ່”?

ທຸກໆສິ່ງທີ່ມີຊີວິດຢູ່ໃນໂລກຄື ນົກ ສັດທຸກຊະນິດຕລອດທັງຄົນກໍຈົມນ້ຳຕາຍ ບັນດາສັດທີ່ມີລົມຫາຍໃຈເຂົ້າອອກທາງດັງ ຄືສັດທີ່ອາໄສຢູ່ເທິງແຜ່ນດິນກໍຕາຍຫມົດ ປະຖົມມະການ 7:21, 22

ເມື່ອວິຍານອອກຈາກມະນຸດແລ້ວ ພວກເຂົາກາຍເປັນຫຍັງ?

ແລະຜົງຂີ້ດິນກັບເປັນດິນຢ່າງເດີມ ແລະຈິດວິນຍານກັບໄປສູ່ພຣະເຈົ້າຜູ້ປະທານໃຫ້ມານັ້ນ ປັນຍາຈານ 2:19

ຈາກຄວາມພິໂລດແລະຄວາມຕາຍສູ່ຊີວິດ

ໃຜມີຊີວິດນິລັນ?

ຜູ້ທີ່ມີພຣະບຸດກໍມີຊີວິດ ຜູ້ທີ່ບໍ່ມີພຣະບຸດຂອງພຣະເຈົ້າກໍບໍ່ມີຊີວິດ 1ໂຢຮັນ 5:12

ເປັນຫຍັງອາດາມຈິ່ງຖືກຂັບໄລ່ອອກຈາກສວນເອເດັນແລະຕົ້ນໄມ້ແຫ່ງຊີວິດ?

ຫລັງຈາກນັ້ນຕໍ່ມາ ພຣະຜູ້ເປັນເຈົ້າຊົງກ່າວວ່າ, “ບັດນີ້ ມະນຸດໄດ້ກາຍເປັນເຫມືອນພວກເຮົາໄດ້ຮູ້ຈັກການດີ ແລະການຊົ່ວ ເຂົາຈະບໍ່ໄດ້ກິນຫມາກໄມ້ທີ່ໃຫ້ມີຊີວິດຕລອດໄປເປັນນິດອີກ” ປະຖົມມະການ 3:22

ພຣະເຈົ້າໄດ້ເຮັດຫຍັງເພື່ອບໍ່ໃຫ້ມະນຸດເຂົ້າໄກ້ຕົ້ນໄມ້ແຫ່ງຊີວິດ?

ເມື່ອພຣະເຈົ້າໄດ້ຂັບໄລ່ມະນຸດອອກຈາກສວນແລ້ວ ພຣະອົງໄດ້ຊົງແຕ່ງຕັ້ງເທວະດາ ເຊຣູບິມ ທາງທິດຕາເວັນອອກຂອງສວນ ແລະດາບທີ່ມີແສງໄຟແກວ່ງໄປທົ່ວທຸກທິດ ເພື່ອປ້ອງກັນບໍ່ໃຫ້ຜູ້ນຶ່ງຜູ້ໃດເຂົ້າໄປໃກ້ກົກໄມ້ທີ່ໃຫ້ມີຊີວິດຕລອດໄປເປັນນິດນັ້ນ ປະຖົມມະການ 3:24

ມະນຸດທັງປວງໄດ້ຖືກວ່າຕົນເປັນຄົນແບບໃດ?

ເມື່ອກ່ອນ, ເຮົາທັງປວງເຄີຍດຳເນີນຊີວິດຕາມຕັນຫາຂອງຝ່າຍມະນຸດທັມມະດາເຫມືອນຄົນເຫລົ່ານັ້ນ ຄືດຳເນີນໄປຕາມຄວາມປາຖນາຂອງຮ່າງກາຍແລະຂອງຈິດໃຈ ຕາມສັນດານພວກເຮົາເປັນຄົນຄວນຖືກພຣະພິໂຣດເຫມືອນດັ່ງຄົນອື່ນ ເອເຟໂຊ 2:3

ຍ້ອນຫຍັງພຣະເຈົ້າຈິ່ງພິໂລດຜູ້ໃດໜຶ່ງ?

ຜູ້ທີ່ວາງໃຈໃນພຣະບຸດກໍມີຊີວິດຕລອດໄປເປັນນິດ ຜູ້ທີ່ບໍ່ເຊື່ອຟັງພຣະບຸດກໍຈະບໍ່ໄດ້ເຫັນຊີວິດ ແຕ່ພຣະພິໂຣດຂອງພຣະເຈົ້າປົກຄຸມຢູ່ເທິງຜູ້ນັ້ນ ໂຢຮັນ 3:36

ພວກເຮົາໄດ້ຮັບຄວາມລອດພົ້ນຈາກພຣະພິໂລດ ແລະໄດ້ຮັບຊີວິດນິລັນໂດຍຜ່ານຜູ້ໃດ?

ເຫດສັນນັ້ນເມື່ອພວກເຮົາໄດ້ຊົງຖືວ່າ ເປັນຄົນຊອບທັມແລ້ວດ້ວຍພຣະໂລຫິດຂອງພຣະອົງ ຫລາຍກວ່ານັ້ນອີກເຮົາທັງຫລາຍຈະພົ້ນຈາກພຣະພິໂຣດຂອງພຣະເຈົ້າໂດຍພຣະອົງ ໂຣມ 5:9

ແລະບັດນີ້ໄດ້ຊົງສະແດງໃຫ້ແຈ່ມແຈ້ງ ໂດຍການທີ່ພຣະເຢຊູຄຣິດ ພຣະຜູ້ຊົງໂຜດໃຫ້ພົ້ນຂອງເຮົາທັງຫລາຍ ສະເດັດສ່ອງສວ່າງມາປາກົດ ຜູ້ໄດ້ຊົງກຳຈັດຄວາມຕາຍໃຫ້ສູນສິ້ນໄປ ແລະໄດ້ຊົງນຳຊີວິດແລະສະພາບອະມະຕະໃຫ້ປາກົດແຈ້ງໂດຍຂ່າວປະເສີດ 2 ຕິໂມທຽວ 1:10

ໃຜທີ່ເປັນເຈົ້າຂອງຊີວິດນິລັນ?

ຊຶ່ງພຣະເຈົ້າຜູ້ສເວີຍສຸກ ແລະຊົງຣິດສູງສຸດແຕ່ພຣະອົງດຽວ ຊົງເປັນພຣະມະຫາກະສັດເຫນືອກະສັດທັງປວງ ແລະຊົງເປັນເຈົ້າເຫນືອເຈົ້າທັງປວງ ຈະຊົງສະແດງໃຫ້ປາກົດຕາມເວລາກຳນົດ ພຣະອົງຜູ້ດຽວຊົງເປັນອະມະຕະ ແລະຊົງສະຖິດຢູ່ໃນຄວາມສວ່າງ ຊຶ່ງບໍ່ມີຄົນໃດຈະເຂົ້າໄປເຖິງ ເປັນອົງທີ່ມະນຸດບໍ່ໄດ້ເຫັນຈັກເທື່ອ ແລະບໍ່ສາມາດຈະເຫັນໄດ້ ພຣະກຽດ ແລະຣິດທານຸພາບອັນຖາວອນ ຈົ່ງມີແກ່ພຣະອົງນັ້ນ ອາແມນ 1 ຕິໂມທຽວ 6:15-16

ແມ່ນໃຜທີ່ຈະໄດ້ຮັບຊີວິດນິລັນຕາມຄຳສັນຍາ?

ສຳລັບຄົນທີ່ມີຄວາມພຽນພຍາຍາມເຮັດການດີ ສແວງຫາສະງ່າຣາສີ ຍົດສັກ ແລະຄວາມບໍ່ຮູ້ຕາຍນັ້ນ ພຣະອົງຈະຊົງປະທານຊີວິດອັນຕລອດໄປເປັນນິດໃຫ້ແກ່ເຂົາ ໂຣມ 2:7

ເມື່ອໃດຄົນທີ່ເຊື່ອສັດທາຈະຖືກປ່ຽນໃຫ້ມີຮ່າງກາຍທີ່ຕາຍບໍ່ເປັນ?

ນີ້ແຫລະ, ເຮົາມີຂໍ້ລັບເລິກບອກພວກເຈົ້າວ່າ ເຮົາທັງຫລາຍຈະບໍ່ລ່ວງຫລັບໄປຫມົດທຸກຄົນ ແຕ່ເຮົາທັງຫລາຍຈະຖືກຊົງປ່ຽນແປງໃຫມ່ຫມົດທຸກຄົນ ໃນຊົ່ວຂນະດຽວ ໃນພັບຕາດຽວ ເມື່ອເປົ່າແກຄັ້ງສຸດທ້າຍນັ້ນ ດ້ວຍວ່າຈະມີສຽງແກ ແລະຄົນທີ່ຕາຍແລ້ວຈະຖືກຊົງບັນດານໃຫ້ເປັນຄືນຂຶ້ນມາໂດຍບໍ່ເປື່ອຍເນົ່າ ແລະຝ່າຍພວກເຮົາກໍຈະຖືກຊົງປ່ຽນແປງໃຫມ່ 1 ໂກຣິນໂທ 15:51, 52

ຫລັງຈາກນັ້ນແມ່ນຫຍັງຈະຕ້ອງໝົດໄປ?

ແລະເມື່ອໃດກາຍທີ່ຮູ້ຈັກເປື່ອຍເນົ່ານີ້ຈະໄດ້ສວມກາຍທີ່ບໍ່ຮູ້ຈັກເປື່ອຍເນົ່າ ແລະກາຍທີ່ຕາຍເປັນນີ້ຈະໄດ້ສວມກາຍທີ່ຕາຍບໍ່ເປັນ ເມື່ອນັ້ນແຫລະ, ຄວາມທີ່ຂຽນໄວ້ໃນພຣະຄັມພີນັ້ນຈະສຳເຣັດ ຄືວ່າ, “ຄວາມຕາຍໄດ້ຕົກເຖິງປະຣາຊັຍແລ້ວ” 1 ໂກຣິນໂທ 15:54

ຄ່າຈ້າງຂອງຄວາມບາບແມ່ນຫຍັງ?

ດ້ວຍວ່າຄ່າຈ້າງຂອງຄວາມຜິດບາບກໍຄືຄວາມຕາຍ ແຕ່ຂອງພຣະຣາຊທານອັນໂຜດມາແຕ່ພຣະເຈົ້າ ກໍຄືຊີວິດອັນຕລອດໄປເປັນນິດໃນພຣະຄຣິດ ຄືພຣະເຢຊູເຈົ້າຂອງພວກເຮົາ ໂຣມ 6:23

ໃຜຜູ້ດຽວທີ່ສາມາດປະທານຄວາມລອດພົ້ນຈາກບາບ?

ໃນຜູ້ອື່ນຄວາມລອດພົ້ນ ດ້ວຍວ່າບໍ່ມີນາມຊື່ອື່ນໃດທົ່ວໃຕ້ຟ້າ ທີ່ຊົງປະທານແກ່ມະນຸດ ເພື່ອໃຫ້ເຮົາທັງຫລາຍຕ້ອງໄດ້ພົ້ນ” ກິຈການ 4:12

ເປັນຫຍັງພຣະເຈົ້າຈຶ່ງປະທາຍພຣະບຸດອົງດຽວຂອງພຣະອົງ?

ເພາະວ່າພຣະເຈົ້າຊົງຮັກໂລກຈົນໄດ້ປະທານພຣະບຸດອົງດຽວຂອງພຣະອົງ ເພື່ອທຸກຄົນທີ່ວາງໃຈເຊື່ອໃນພຣະບຸດນັ້ນຈະບໍ່ຈິບຫາຍ ແຕ່ມີຊີວິດອັນຕລອດໄປເປັນນິດ ໂຢຮັນ 3:16

ພຣະເຢຊູໄດ້ປະກາດວ່າ ພຣະອົງເປັນຫຍັງ?

ພຣະເຢຊູຊົງຕອບເຂົາວ່າ, “ເຮົານີ້ແຫລະ, ເປັນທາງນັ້ນ ເປັນຄວາມຈິງ ແລະເປັນຊີວິດ ບໍ່ມີຜູ້ໃດມາເຖິງພຣະບິດາໄດ້ນອກຈາກຈະມາທາງເຮົາ ໂຢຮັນ 14:6

ພຣະອົງປະທານຫຍັງໃຫ້ແກ່ຜູ້ທີ່ເດີນຕາມພຣະອົງ?

ແກະຂອງເຮົາບໍ່ຟັງສຽງຂອງເຮົາ ແລະເຮົາກໍຮູ້ຈັກຝູງແກະນັ້ນແລະເຂົາຕາມເຮົາໄປ ຝ່າຍເຮົາກໍປະທານຊີວິດອັນຕລອດໄປເປັນນິດໃຫ້ແກ່ແກະນັ້ນ ແລະເຂົາຈະບໍ່ຈິບຫາຍຈັກເທື່ອ ບໍ່ມີຜູ້ໃດຈະຍາດເຂົາອອກຈາກມືຂອງເຮົາໄດ້ ໂຢຮັນ 10:27-28

ຊີວິດນິລັນນີ້ມີຢູ່ໃນໃຜ?

ນີ້ແຫລະ, ເປັນພຍານຫລັກຖານນັ້ນ ຄືວ່າພຣະເຈົ້າໄດ້ຊົງໂຜດປະທານຊີວິດອັນຕລອດໄປເປັນນິດໃຫ້ເຮົາທັງຫລາຍ ແລະຊີວິດນີ້ມີຢູ່ໃນພຣະບຸດຂອງພຣະອົງ 1ໂຢຮັນ 5:11

ແມ່ນໃຜທີ່ມີຊີວິດນິລັນ?

ຜູ້ທີ່ມີພຣະບຸດກໍມີຊີວິດ ຜູ້ທີ່ບໍ່ມີພຣະບຸດຂອງພຣະເຈົ້າກໍບໍ່ມີຊີວິດ 1ໂຢຮັນ 5:12

ເຮົາບອກທ່ານທັງຫລາຍຕາມຄວາມຈິງວ່າ ຖ້າຜູ້ໃດຟັງຄຳຂອງເຮົາແລະວາງໃຈໃນພຣະອົງຜູ້ຊົງໃຊ້ເຮົາມາ ຜູ້ນັ້ນກໍມີຊີວິດອັນຕລອດໄປເປັນນິດ ແລະບໍ່ເຂົ້າໃນການພິພາກສາແຕ່ໄດ້ຜ່ານພົ້ນຈາກຄວາມຕາຍໄປສູ່ຊີວິດແລ້ວ ໂຢຮັນ 5:24

ສິ່ງຄວາມຕາຍເຊື່ອມໂຍງ

ພຣະຄຳພີໄດ້ເວົ້າແນວໃດກ່ຽວກັບຄວາມຕາຍ?

ພີ່ນ້ອງທັງຫລາຍເອີຍ, ພວກເຮົາຢາກໃຫ້ເຈົ້າທັງຫລາຍຮູ້ຄວາມຈີງເຣື່ອງຄົນທີ່ຫລັບໄປນັ້ນ ເພື່ອພວກເຈົ້າຈະບໍ່ໂສກເສົ້າເຫມືອນດັ່ງຄົນອື່ນທີ່ບໍ່ມີຄວາມຫວັງ 1 ເທຊະໂລນິກ 4:13

ບ່ອນໃດທີ່ດານີ້ເອນໄດ້ບອກວ່າການຕາຍຄືການນອນຫລັບ?

ຫລາຍຄົນໃນພວກເຫລົ່ານີ້ທີ່ໄດ້ຕາຍໄປແລ້ວຈະມີຊີວິດຄືນມາອີກ ລາງຄົນຈະມີຊິວິດຕລອດໄປບາງຄົນຈະໄດ້ຮັບຄວາມອັບອາຍຂາຍຫນ້າຕລອດໄປ ດານີເອນ 12:2

ຜູ້ທີ່ຢູ່ໃນສະພາບນີ້ຮູ້ຫຍັງແດ່ກ່ຽວກັບຄອບຄົວຂອງຕົນ?

ບັນດາບຸດຂອງເຂົາໄດ້ຮັບກຽດ ແລະເຂົາກໍບໍ່ຮູ້ ເຂົາທັງຫລາຍຕົກຕ່ຳລົງ ແຕ່ເຂົາບໍ່ຢັ່ງຮູ້ໄດ້ ໂຢບ 14:21

ເມື່ອຕາຍໄປແລ້ວ ມະນຸດກາຍເປັນຫຍັງ?

ເວລາເຂົາຕາຍ ເຂົາກໍກັບຄືນເປັນຂີ້ຝຸ່ນດິນ ໃນວັນນັ້ນແຜນການທຸກຢ່າງກໍຈະເຖິງຈຸດຈົບ ເພງສັຣເສີນ 146:4

ຄົນຕາຍແລ້ວຮູ້ຫຍັງແດ່?

ເພາະວ່າຄົນເປັນຍ່ອມຮູ້ວ່າເຂົາເອງຄົງຈະຕາຍ ແຕ່ຄົນຕາຍແລ້ວກໍບໍ່ຮູ້ອັນໃດເລີຍ ເຂົາບໍ່ໄດ້ຮັບຣາງວັນອີກ ດ້ວຍວ່າໃຜໆກໍພາກັນລືມເຂົາເສັຽຫມົດ ປັນຍາຈານ 9:5

ເຂົາມີສ່ວນຮ່ວມບໍ່ກັບສິ່ງຂອງໃນໂລກນີ້?

ຄວາມຮັກຂອງເຂົາບໍ່ຫນ້ອຍກວ່າຄວາມຊັງ ແລະຄວາມອິດສາຂອງເຂົາໄດ້ສາບສູນໄປຕາມກັນນານມາແລ້ວ ໃນບັນດາການທີ່ບັງເກີດຂຶ້ນພາຍໃຕ້ດວງອາທິດ ເຂົາທັງຫລາຍບໍ່ມີສ່ວນຮ່ວມອີກຕໍ່ໄປ ປັນຍາຈານ 9:6

ຄົນທີ່ຕາຍໄປແລ້ວຮູ້ຫຍັງຫລາຍປານໃດກ່ຽວກັບພຣະເຈົ້າ?

ເພາະຖ້າໃນຄວາມຕາຍ ບໍ່ມີການລະນຶກເຖິງພຣະອົງແລ້ວ ໃນແດນມໍຣະນາໃຜເດ່ຈະໂມທະນາພຣະຄຸນຂອງພຣະອົງ ເພງສັຣເສີນ 6:5

ດຽວນີ້ຄົນຕາຍຢູ່ໃສ?

ຄົນຊອບທຳທີ່ຕາຍໄປແລ້ວດຽວນີ້ກໍາລັງຢູ່ສະຫວັນສັນລະເສີນພຣະເຈົ້າຫລືບໍ່?

ເຫດວ່າກະສັດດາວິດບໍ່ຂຶ້ນໄປຍັງສວັນ ແລະທ່ານເອງໄດ້ຊົງກ່າວວ່າ, “ພຣະເຈົ້າຊົງກ່າວແດ່ອົງພຣະຜູ້ເປັນເຈົ້າຂອງຂ້າພະເຈົ້າວ່າ ຈົ່ງນັ່ງທີ່ຂວາມືຂອງເຮົາ, ກິຈການ 2:34

ຄົນຕາຍບໍ່ສັຣເສີນພຣະຜູ້ເປັນເຈົ້າ ຫລືຜູ້ທີ່ລົງໄປສູ່ທີ່ສງັດກໍເຫມືອນກັນ ເພງສັຣເສີນ 115:17

ໂຢບໄດ້ເວົ້າວ່າລາວຈະລໍການປ່ຽນແປງເທື່ອສຸດທ້າຍຂອງລາວຢູ່ໃສ?

ຖ້າມະນຸດຕາຍແລ້ວ ເຂົາຈະມີຊີວິດອິກຫລື ຂ້າພຣະອົງຈະຄອຍຢູ່ຄລອດວັນ ປະຈຳການຂອງຂ້າພຣະອົງຈົນກວ່າການປົດປ່ອຍຂອງຂ້າພຣະອົງຈະມາເຖິງ ໂຢບ 14:14

ຖ້າຂ້າພະເຈົ້າຈະເບິ່ງພິພົບຄົນຕາຍໃຫ້ເປັນບ້ານຂອງຂ້າພະເຈົ້າ ຖ້າຂ້າພະເຈົ້າຈະກາງທີ່ນອນອອກໃນຄວາມມືດ ໂຢບ

17:13

ເມື່ອຄົນທີ່ຕາຍໄປແລ້ວຟືຶ້ນຂຶ້ນມາ

ແມ່ນຫຍັງຈະຕ້ອງເກີດຂຶ້ນກ່ອນຄົນຕາຍສາມາດສັນລະເສີນພຣະເຈົ້າສ

ຄົນຕາຍຂອງພຣະອົງຈະມີຊີວິດ ສົບຂອງເຂົາທັງຫລາຍຈະລຸກຂຶ້ນ ໂອ ຜູ້ອາໄສຢູ່ໃນຂີ້ດິນ ຈົ່ງຕື່ນເຖີດ ແລະຮ້ອງເພງເພາະຄວາມຊື່ນບານ ເພາະນ້ຳຄ້າງຂອງເຈົ້າເປັນນ້ຳຄ້າງຂອງຄວາມສວ່າງ ແລະແຜ່ນດິນໂລກຈະໃຫ້ຊາວແດນຄົນຕາຍເປັນຂຶ້ນ ເອຊາຢາ 26:19

ຕອນໃດທີ່ນັກຂຽນເພງສັນລະເສີນໄດ້ເວົ້າວ່າລາວຈະເບີກບານໃຈ?

ສ່ວນຂ້າພຣະອົງ ຂ້າພຣະອົງຈະເຫັນພຣະພັກຂອງພຣະອົງໃນຄວາມຊອບທັມ ເມື່ອຂ້າພຣະອົງຕື່ນຂຶ້ນ ຂ້າພຣະອົງຈະເບີກບານໃຈດ້ວຍພຣະລັກສນະຂອງພຣະອົງ ເພງສັຣເສີນ 17:15

ຖ້າບໍ່ມີການຟືນຂຶ້ນມາຈາກຕາຍ ແລ້ວຄົນທີ່ນອນຫລັບໃນພຣະຄຣິດນັ້ນເປັນແນວໃດ?

ເພາະວ່າຖ້າຄົນຕາຍບໍ່ເປັນຄືນມາ ເຖິງແມ່ນພຣະຄຣິດກໍບໍ່ໄດ້ຖືກຊົງບັນດານໃຫ້ຄືນພຣະຊົນ ແລະຖ້າວ່າພຣະຄຣິດບໍ່ໄດ້ຖືກຊົງບັນດານໃຫ້ຄືນພຣະຊົນແລ້ວ ຄວາມເຊື່ອຂອງເຈົ້າທັງຫລາຍກໍໄຮ້ປໂຍດ ເຈົ້າທັງຫລາຍກໍຍັງຄົງຢູ່ໃນຜິດບາບຂອງຕົນ ຊ້ຳກວ່ານັ້ນ, ພວກຄົນເຊື່ອໃນພຣະຄຣິດທີ່ຕາຍໄປແລ້ວນັ້ນກໍຈິບຫາຍໄປດ້ວຍ 1 ໂກຣິນໂທ 15:16-18

ເມື່ອໃດຄົນຊອບທຳຈະເປັນຄືນມາຈາກຕາຍ?

ດ້ວຍວ່າຈະມີຄຳສັ່ງອັນດັງ ຈະມີສຽງຂອງອັຄເທວະດາ ແລະສຽງແກຂອງພຣະເຈົ້າ ແລ້ວອົງພຣະຜູ້ເປັນເຈົ້າຈະສະເດັດລົງມາຈາກສວັນ ພວກຄົນທີ່ເຊື່ອໃນພຣະຄຣິດທີ່ຕາຍໄປແລ້ວກໍຈະຄືນຂຶ້ນມາກ່ອນ 1 ເທຊະໂລນິກ 4:16